Сан цIе а ю-кх изза
Вайн доттагIчух, БаIисах, гергарчара а, лулахоша а Муса олуш хилла. Хьан цIе хIун ю аьлла хаьттича, «Муса» олуш хилла хIокхо ша а.
Иштта цкъа лулахошка хьаша веанчу кхайкхина хIара. Вовшашка хьал-де а хаьттина, къамеле бевлча, хIокхо хьеше хаьттина:
– ЦIе хIун ю хьан?
– М-м-му-са ю ю с-с-ан цI-цIе, – аьлла толкха эккхаш волчу хьешо
– Сан цIе а ю Муса, амма хьайниг санна еха-м яц, – аьлла БаIиса.
Ойбий валавора
– Ледара ду шу. Зударша санна вовшашка баганаш етта. Буй-тIара деш дац… Суо къона волуш, сайца лер-алар хиллачунна лерга юххе тIара латорхьама луларчу юьрта воьдура со, – «хьехам беш» хилла БаIис.
– Цигара цIа а вогIура хьо гIаш? – хаьттина питанечу Къуддуза.
– Хьан-хIа, цIа, дукха хьолахь, ойбий (цара еттий) валавора.
ДIаяздинарг – С.ХАСАНОВ
№138, шот, гIуран (декабрь) беттан 5-гIа де, 2015 шо