Иракан президента Хонкаран куьйгалле дIахьедина шайн махкара эскарш сихонца арадаха аьлла. Цара талхайо дуьненаюкъара бакъонаш.
***
«Иблисан пачхьалкхан» террористаша схьалаьцна ОвгIанан еа провинцера дикка латтанаш. Царна дуьхьал тIом болийна ОвгIанан Iедалан эскарша.
***
Йеменерчу Аденехь теракт йина. И бахьана долуш гIалин губернатор Джафар СаIад а, цуьнан ялх гIаролхо а кхелхина.
***
Индехь хиллачу некъан бохамехь 18 стаг кхелхина, 16 стаг лазийна. Иштта Индонезехь а хилла, цIерпошт микроавтобусна тIе а кхетта, боккха некъан бохам. Цигахь 18 стаг кхелхина.
***
Шемахь вовшахтухуш ю халкъан бIаьхаллин тобанаш. Цара шайн ярташ, гIаланаш, Iедалан эскаршца цхьаьна, «Иблисан пачхьалкхан» гIеранех ларйийр ю.
***
Ливехь вовшашца къовсамехь хиллачу агIонийн барт хилла махкахь долу хьал синтеме дерзоран некъаш цхьаьна лаха.
***
Эрмалойчохь дIаяьхьира мехкан Конституцехь цхьамогIа хийцамаш барна лерина референдум. Цуьнца билгалдеш ду Эрмалойчоь парламентан урхалла долуш пачхьалкх яр.
***
Азербайджанан Каспийн хIорда тIехь йолчу мехкадаьттан-газан платформех цIе ялар бахьанехь 2 стаг кхелхина, 29 стагах хилларг цкъачунна хууш дац.
***
США-н вице-президент Джозеф Байден Украине веара. Цуьнан цхьаьнакхетарш хилира оцу мехкан Президентаца П.Порошенкоца а, кхечу куьйгалхошца а.
***
Шемарчу стоьмийн чам бовза йиш хир ю герггарчу деношкахь Россин бахархойн. Апельсинаш а, мандаринаш а, кхиболу стоьмаш а бу Россе схьадаийтинчу сурсаташна юкъахь.
***
Россин тIеман-хIордан флотан кеманаш ду Индехь дIахьош долчу «Индира» тIеман Iаморашкахь дакъалоцуш.
***
Ханты-Мансийски автономни округехь йолчу дачийн поселкехь банех цIе яларца доьзна бархI кхиазхо кхелхина.
№139, шинара, гIуран (декабрь) беттан 8-гIа де, 2015 шо