«Иблисан пачхьалкхан» гIеранаша даккхий герзаш диттина Шемарчу Алеппо гIала. И бахьана долуш, цигара лаххара а 30 маьрша стаг кхелхина, чевнаш хилларш кхин а шозза гергга алсам бу.
***
США коьртехь йолчу коалицис «Иблисан пачхьалкхана» дуьхьал къийсам дIахьо бохуш деш дерг цIархазмана хIиттош суьрташ ду.
***
Корейн Халкъан Демократин Республикин куьйгалхочо Ким Чен Ына дIахьедина шаьш водородни бомба йина хилар.
***
Аргентинин керлачу Президента М.Маурисиос стомара чIагIо йина, махкана а, халкъана а тешаме а волуш, шен белхан декхарш хьанал кхочушдан.
***
Дуьненаюкъарчу валютан фондо Эрмалойчоьнна 50 миллион доллар делла махкахь реформаш яйта.
***
ХIокху деношкахь Стокгольмехь а, Ослохь а дIадаьхьира Нобелан премеш дIадалар. Машаран совгIат делла къомана юкъахь маслаIат дечу Тунисерчу «квартетана». Литературин совгIат дина Алексиевич Светланина.
***
Белоруссехь карарчу шарахь инфляцин барам 10,7 проценте дIакхаьчна. Иза иштта лакхара хилар мехкан куьйгалло кхетадо дуьненан экономикехь кризис хиларца.
***
Россин Президента В.Путина стомара Кремлехь дIадаьхьира вайн тоьллачу махкахошна пачхьалкхан совгIаташ дар.
***
В.Путин цхьаьнакхийтира Россехь адамийн бакъонаш ларъяран векалца О.Памфиловаца. Пачхьалкхан Куьйгалхочо иза, берриге а бакъонаш ларъяхой а декъалбира бакъонашларъярхойн денца.
***
ОвгIанерчу Кандагарехь талибашна дуьхьал дIабаьхьначу тIамехь хIокху деношкахь Iедалан эскарна юккъера 50 гергга бIаьхо кхелхина. Талибашна кхин а даккхий зенаш хилла.
***
Москвахь ФСБ-н белхахоша схьалаьцна дуккха а барамехь герз духкуш хилла волу зуламхо. Иза Дагестанера ву.
***
ХIара шо доладелчахьана Россера арадаьккхина 60 миллиард доллар ахча. Стохка хиллачул дикка лакхара бу и гайтам.
№141, шот, гIуран (декабрь) беттан 12-гIа де, 2015 шо