Бурунди пачхьенехь йолчу тIеман базана хIокху деношкахь террористаш тIелетира. Цигахь 40 гергга стаг вийна.
***
Иракан а, СаIудийн Аравин а дозанехь теракт йина. Оцу бохамехь ялх стаг кхелхина, вейтта стагана чевнаш хилла.
***
Иракан пачхьенехь Багдадехь йоккха митинг хилира. Митинган дакъалацархоша лоьхура Хонкаран эскарш шайн махкара арадахар.
***
Пакистанехь цхьана базарахь машен эккхийтина. Цигахь 12 стаг кхелхина, 50 гергга стагана чевнаш хилла. Оцу зуламах долу жоьпалла тIе ца лаьцна цхьана а террористически организацис.
***
«Иблисан пачхьалкхан» гIеранаша масех де хьалха теракт йина Шемарчу Хомс гIалахь. Цигахь 8 стаг кхелхина, 22 стагана чевнаш хилла.
***
Хонкарахь ши микроавтобус вовшах а кхеташ, некъан-транспортан бохам хилла. Оцу бохамехь 11 стаг кхелхина, 6 стагана чевнаш хилла.
***
Италин коьртачу шахьарахь Римехь дIаяьхьира Ливехь болу къовсам дIабаккхарна лерина дуьненаюкъара конференци. Цуьнан дакъалацархоша вовшашца къовсамехь йолу агIонаш маслаIате кхайкхира.
***
Бразилехь йоккха митинг хилира. Урамашка бевллачу бахархоша дIахьедира шаьш мехкан президента дIахьош йолчу политикина реза цахилар, цара цуьнга лоьхура отставке вахар.
***
Эгейски хIорда тIехь Россин «Сторожевик» цIе йолчу хIордан кемано ирх герз кхоьссина къахкийра Хонкаран снейер (тIеман кема), цуьнга юха а питана ца дайта.
***
Эрмалойчохь дIаяьхьначу референдуман жамIашца и пачхьалкх хIинца дуьйна парламенто урхалла деш хир ю. Президент вархI шарна хоржур ву. ШолгIа харжамашкахь дакъалаца бакъо а хир яц цуьнан.
***
Белоруссин Президент А.Лукошенко селхана официальни визитца Росси веана. Цуьнан цхьаьнакхетар хилла Россин Президентаца В.Путинца.
***
Воронежски областерчу Алферовка поселкерчу психоневрологин интернетах цIе яьлча 23 бер делла, кхин оццул бераш дагийна. Уьш больницехь ду.
***
2016-чу шарахь Францехь хинйолчу футболах ловзаран Европин чемпионатехь юьхьанца цхьаьна тобанехь ловзур йолу командаш билгалъевлла. Росси ловзур ю Ингалсца а, Уэльсаца а, Словакица а.
№142, шот, гIуран (декабрь) беттан 15-гIа де, 2015 шо