Россин таIзарш кхочушдаран федеральни службин (ФСИН) Экспертийн советан видеоконференцин кепехь дIаяьхьначу кхеташонехь 2016–2018-чуй шерашкахь Россин ФСИН-н Нохчийн Республикехула йолчу урхалла кхиоран Комплексни план йовзийтар дIадаьхьира.
Россин ФСИН-н Экспертийн советан говзанчаша, я тIетохарш доцуш, магийна тIеийцира Комплексни план.
ТаIзарш кхочушдаран федеральни службин Нохчийн Республикерчу урхаллин болх кхиоран Комплексни плана юкъадогIу хан тоьхнарш набахтехь Iеран хьелаш жим-жима тодарна а, царна ха дар, низам, терго латтор чIагIдар а кхидIа кхиорна тIехьажийна долу гIуллакхаш. Иштта, оцу планан коьртачу декъехь ду набахтешкахь производствон белхаш дар а, чубоьхкинчеран къинхьегамца ахча даккхарца бала хилийтар а кхиоран гIуллакхаш. Билгалдаьхначарел кIезиг мехалла йолуш дац уголовни-кхочушдаран системехь болх баран сийлалла лакхаяккхаран гIуллакх а.
А.СУЛИМАНОВА
Суьрта тIехь: Россин таIзарш кхочушдаран федеральни службин Экспертийн советан видеоконференцин кепехь дIаяьхьначу кхеташонан дакъалацархой
№144, шот, гIуран (декабрь) беттан 19-гIа де, 2015 шо