Великобританехь тIеэцна Евросоюзана юкъара дIадовларан референдум дIаяхьаран хьокъехь закон. Цуьнца нийса а догIуш, оцу махкахь 2017-г1а шо кхачале дIаяхьа езаш ю Великобритани Евросоюзана юкъара дIаяларан хьокъехь йолу референдум.
***
Швецин премьер-министра дIахьедина шайн пачхьалкхехь мигранташ тIеэца кхин ницкъ а, аьтто а цахилар. ХIара шо доладелчахьана Европин мехкашка веана 1,5 миллион мигрант.
***
Брюсселехь дIаяьхьира Евросоюза юккъе йогIуш йолчу 28 пачхьалкхан куьйгалхойн саммит. Цигахь дийцаре дира терроризмана дуьхьал къийсам дIабахьарца, экономикин хьолаца доьзна гIуллакхаш.
***
Б.Обамас США-н Конгрессе дехна Кубина дуьхьал йина йолу экономикин санкцеш дIаяхаран хьокъехь документаш тIеэцар.
***
Бельгехь хIокху деношкахь полицис схьалаьцна терроризмана бехке хиларан шеко йолу итт стаг. ДIахьош ду таллам бар.
***
Индин куьйгалла резахилла Россера «С–400» цIе йолу зенитни-ракетийн комплексаш эца. Цу хьокъехь болчу бартана шина агIоно куьйгаш яздийр ду герггарчу хенахь.
***
Вьетнамерчу дозанхоша хи буха доьдучу катера тIехь хилла Россин 29 турист кIелхьара ваьккхина масех де хьалха.
***
Чинехь цхьаьнакхийтира Россин а, Чинин а правительствийн куьйгалхой. Цара куьйгаш яздира 33 бартана.
***
Телефонехула къамел хилира Россин кхечу мехкашца долчу гIуллакхийн министран С.Лавровн а, США-н госсекретаран Дж.Керрин а. Церан къамел хилира Шемин хьокъехь Нью-Йоркехь дIахьон долчу дийцарех лаьцна.
***
Украинин коьртачу шахьарахь митинг дIаяьхьира махкарчу фермерша. Цара лоьхура правительство отставке яхийтар.
***
Донбассе гуманитарни гIо а, берашна Керлачу шарна совгIаташ а хьош яхана Россин МЧС-н машенийн ковр цIа йогIуш ю.
***
Россин дуьненаюкъара валютийн тIаьхьало тIаьхьарчу цхьана кIирнах 1,9 процентана алсамъяьлла хиларан хьокъехь хаам бина мехкан финансийн министерствехь.
№144, шот, гIуран (декабрь) беттан 19-гIа де, 2015 шо