Таиландехь Iинах яхана тIехь туристаш хилла автобус. Оцу некъан бохамехь 12 стаг кхелхина, 12 стаг лазийна.
***
Шеман Iедалан эскарша Алеппо провинцина къилбехь йолу Хан-Тоуман гIала схьаяьккхина «Иблисан пачхьалкхан» гIеранашкара.
***
Шемахь долчу Россин тIеман кеманаша хIора дийнахь 30-зза сов тохарш до «Иблисан пачхьалкхан» гIеранийн объекташна.
***
Иракан Iедалан векалша дIахьедина США коьртехь йолчу коалицин кеманаша бомбанаш, ракеташ тохар бахьанехь маьрша исс стаг вийна хиларан хьокъехь.
***
Мексикехь некъан-транспортан бохам хилла. Цигахь 15 стаг кхелхина, 30 гергга стаг лазийна.
***
Чинин къилбехь юха а токхамаш хилар бахьана долуш дукха гIаьтнаш долу ткъех цIа а, ши юкъарIойла а йоьхна, 60 стагах хилларг цкъачунна хууш дац.
***
Индонезехь бурам хи буха бахана. Цу тIехь хиллачу нахах 40 стаг кIелхьараваьккхина, 70 стагах хилларг хууш дац. Уьш лохуш бу.
***
Стамбулехь полицин векалша бIаьрг белхочу газаца дIасалаьхкина митингехь хилларш. Урамашка бевллачара Хонкаран Iедале доьхура курдашна дуьхьал беш болу тIом сацабар.
***
КIирандийнахь Испанехь дIабаьхьира Парламентан харжамаш. Юьхьанцарчу жамIашца толам баьккхина «Халкъан партис». Иза Iедалан векалийн парти ю.
***
Узбекистанан дозанхоша шайн дозанех сехьа бовлучаьргахь гучу а евлла схьаяьхна 33 кийла наркотикаш. Уьш Таджикистанера схьайохьуш хилла.
***
Казахстанан а, Кубин а Iедалан куьйгалхоша куьйгаш яздина 2016-чу шарахь дуьйна шина пачхьалкхана юкъара визийн раж дIаяккхаран хьокъехь болчу бартана.
***
Украина Россина 3 миллиард доллар декхар схьадала дагахь йолчух тера дац. Стомара схьаделла хила дезаш дара иза. ХIинца дуьненаюкъарчу суьдан кхиэлаца схьадаккха дезар ду.
***
Волгоградехь газ эккхар а, цул тIаьхьа цIе ялар а бахьана долу исс гIат долчу цIийнера 36 хIусам йоьхна, 12 стаг лазийна, царах кхоъ бер ду, 5 стаг кхелхина. Хетарехь, саьлнаш кIелахь а висина масех стаг.
№145, шинара, гIуран (декабрь) беттан 22-гIа де, 2015 шо