Хууш ма-хиллара, 2015-гIа шо Россин Федерацехь «Литературин шо», аьлла дIакхайкхийна дара. Цунна лерина Нохчийн Республикехь дуккха а цхьаьнакхетарш хилира. Иштта кху деношкахь Нохчийн Республикин Яздархойн цIийнехь цхьаьнакхийтира къона яздархой: Даудов Гилани, Арсалиева Люба, Багаев Акроман, Хабаев ИсмаьIил, Виситаева Тумани, Петирова ПетIамат, Турлаев-Турпал-Iела, Матагов Исхан, Тумчаев Адам, Аздиева Иман, Абдулкадыров Адам, Махмудов Iийса, иштта кхиберш а.
Къоначу яздархоша шайн литературин хаарш зуьйш шатайпа программа кечйинера. Бевзаш болчу а, къоначу а яздархойн байташ дика хьанна хаьа хьаьвсира уьш. Цигахь хьалхара меттиг Арсалиева Любас, шолгIа меттиг Даудов Гиланис яьккхира. Ткъа «Шеран поэт» номинацехь Матагов Исхана яьккхира хьалхара меттиг.
Кегийрхоша шайн байташ йоьшуш, забарш еш, литература йийцаре еш дIадаьхьира цхьаьнакхетар.
З.САГАЕВА
Суьрта тIехь: къоначу яздархойн тоба
№149, шинара, гIуран (декабрь) беттан 29-гIа де, 2015 шо