«Олимпийск» спорткомплексехь божарийн командийн Лаккхарчу «А» лигин 2015–2016-чу шерийн Россин волейболах ловзаран чемпионатан цхьаьнакхетар хилира Соьлжа-ГIаларчу «Грозный» а, Казанерчу (ГIезалойчоьнан пачхье) «Академия Казань» а командашна юкъахь.
Хьешаша хьалхарчу сетехь жамI 20:25 долуш эшийра хIусамдай. Амма цул тIаьхьа хиллачу кхаа а сетехь жамI 25:16, 25:17, 25:19 долуш «Грозный» клубо таламаш бехира. Хьовсархошна, церан жигаралле хьаьжча, ловзар тайначух тера дара.
Оцу ловзарехь толам баккхар бахьана долуш «Грозный» клубо рогIера а кхо очко яьккхира. Цул хьалха 29 очко а йолуш турниран таблицехь 5-гIа меттиг дIалоцуш яра вайн клуб.
И.ХАСАХАНОВ