Дерригдуьненан экономикин форум дIаяьхьира Швейцарерчу Давос шахьарахь. БIе сов пачхьалкхерчу векалша дакъалаьцначу оцу форумехь дийцаре дира дуьненан экономика кхиаран боларш лахдаларан бахьанаш.
***
Пакистанерчу цхьана университетана тIелатар дира веа террориста. Цигахь лаххара а 26 студент а, хьехархо а вийра, 50 сов стагана чевнаш йира цара. Полицица хиллачу тасадаларехь виъ зуламхо хIаллаквина.
***
ОвгIанан пачхьенехь Кабулехь йолчу Россин посольствон гIишлонна хьалха ша а эккхаш, машен эккхийтина «Талибан» боламан декъашхочо. Оцу бохамехь 8 стаг кхелхина, 60 гергга стагана чевнаш хилла.
***
Шемарчу Дейр-эз-Зор провинцехь «Иблисан пачхьалкхан» гIеранаша хьалха амалтана дIалаьцна хиллачу маьршачу нахах хIокху деношкахь дIахецна 270 стаг. Царах дукхахдерш бераш ду, зударий, къаной бу.
***
Россин тIеман-космосан ницкъийн кеманаша тIаьхьарчу деношкахь, Iаламан бегIийла доцчу хьелашца доьзна, лахдина «Иблисан пачхьалкхан» гIеранашна тохарш дар.
***
Чинин Председатель Си Цзинь Пин хIокху деношкахь официальни визитца Мисарехь хилира. Иза цхьаьнакхийтира оцу мехкан куьйгалхошца.
***
Эрмалойчоьнан а, Евросоюзан а куьйгалхоша йийцаре йира цхьаьна гIуллакхаш даран декъехь йолу таронаш.
***
Иранан кхечу мехкашца долчу гIуллакхийн министра дIахьедина Иранний, СаIудийн Аравиний юкъахь тIом хиларна цхьа а кхерам цахилар, цунна бахьана цахилар.
***
Россин а, Финляндин а правительствон куьйгалхой цхьаьнакхета лерина бу 29-чу январехь. Цигахь дийцаре дан билгалдина шина пачхьалкхан юкъаметтигаш чIагIъяран хьокъехь долу гIуллакхаш.
***
Россин Президента В.Путина дIахьедина экономикин дерриге а дакъошкахь чолхе хьал хаалуш хилар. Делахь а иза тешна ву цунах вай кхиамца хьалхадевриг хиларх.
***
Россин арахьара декхар чекхдаьллачу 2015-чу шарахь 14 процентана лахделла. Шо чолхе деана хиларе хьаьжча дика кхиам бу иза.
***
Цюрихехь кху шарахь дуьххьара цхьаьнакхийтира США-н госсекретарь Дж.Керри а, Россин МВД-н куьйгалхо С.Лавров а. Цара дийцаре дира Шемара, Украинера хьал.
***
ХIокху беттан тIаьххьара цхьа-ши кIира алссам ло дуьллуш, дарц хьийзош деана Московски а, Рязански а, Курски а, цхьамогIа кхечу а областашкахь.
№7, шот, кхолламан (январь) беттан 23-гIа де, 2016 шо