Шемин Iедалан эскарша дуьххьара боккха толам баьккхина мехкан къилбехь «Иблисан пачхьалкхан» гIеранашна дуьхьал дIахьочу тIамехь.
***
Шемин Iедалан эскарша, Россин тIеман кеманаша гIо а деш, Идлиб провинцехь хIаллаквина 19 террорист, 70 гергга террористана чевнаш йина.
***
Индехь машен эккхийтар бахьанехь 7 полицейски кхелхина, 8 полицейскина чевнаш хилла. Оцу зуламах долу жоьпалла тIе ца эцна цхьана а экстремистски боламо.
***
Герггарчу деношкахь шайн махкара 80 эзар мигрант араваккха дагахь бу Швецин куьйгалхой. Бахархойн декхаршца дан лерина ду и гIуллакх.
***
Эксперташа чIагIдарехь хIокху шарахь 1,5 миллион мигрант ван тарлуш ду Европин мехкашка. Уьш, коьртачу декъана, Африкерчу пачхьалкхашкара хир бу.
***
ДIадаханчу шарахь Чинехь болчу ахархоша 621 миллион тонна ялта гулдина. Делахь а иза кхачаме дац. Бахархошна баьпгаца юьззина кхачоярхьама дозанал арахьара ялта эца дезар ду пачхьалкхан куьйгалхойн.
***
Шемин а, Украинин а хьокъехь долчу коьртачу гIуллакхашкахула вовшех ца кхетар а, галморзахаллаш а ю Россиний, США-ний юкъахь.
***
Россин Президента В.Путина мехкан Кхерамазаллин Советан декъашхошца дийцаре дира вайн пачхьалкхехь долу экономикин хьал а, Шемахь террористически организацешна дуьхьал къийсам дIабахьарехь долу хьал а.
***
Россин Премьер-министра Д.Медведевс Санкт-Петербургехь дIаяьхьначу кхеташонехь дийцаре дира импортан метта товараш арахецаран гIуллакхаш.
***
Вайн мехкан валютин дуьненаюкъара тIаьхьало 15-чу январера 22-чу январе кхаччалц болчу муьрехь 369 миллиард долларе хьалаяьлла.
***
Гриппан ун даьржина вайн пачхьалкхан 40 сов регионехь. И цамгар кхетар бахьанехь хIинцале 107 стаг кхелхина.
***
Россин МИД-н куьйгалхо С.Лавров Ашхабадехь цхьаьнакхийтира Туркменин Президентаца а, кхечу мехкашца долчу гIуллакхийн министраца а.
***
Украинехь чолхе хьал хIоьттинчул тIаьхьа оцу махкара Росси схьакхелхина цхьа миллион сов стаг. Уьш схьакхалхар хIинца а сецна дац.
№10, шот, кхолламан (январь) беттан 30-гIа де, 2016 шо