греко-римски кепара охьатохархлатаран къийсадаларш
ХIокху деношкахь Итум-Кхаьллахь дIадаьхьира кхиазхошна юкъахь греко-римски кепара охьатохархлатаран къийсадаларш. Нохчийн Республикин физкультурин а, спортан а гIолацаран фондо вовшахтоьхнера уьш. Цуьнан президент Темишев Iадлан ву. Турнир дIаяхьаран Iалашо яра кегийрхошна спорт марзъяр.
Къийсадаларшкахь дакъалецира Республикин берийн-кхиазхойн спортан школерчу (РДЮСШ), районашкарчу берийн-кхиазхойн школашкарчу (ДЮСШ) кхиазхоша.
Шайн-шайн йозаллин категорешкахь 1-ра меттигаш ехира М.Имадаевс (21 кг) – Итум-Кхаьллара ДЮСШ, М.Тоубулатовс (24 кг) – Заводской районера ДЮСШ, Р.Гайрбековс (28 кг) – Ленински районера ДЮСШ, М.Брежневс (30 кг) – №3 йолу ДЮСШ, А.Арбиевс (32 кг) – №4 йолу ДЮСШ, А.Алимхановс (35 кг) – Заводской районера ДЮСШ, М.Арбиевс (38 кг) – №4 йолу ДЮСШ, Т.Дадаевс (42 кг) – №4 йолу ДЮСШ, Р-А.Джамулаевс (46 кг) – «Шуьйта» спортан клуб.
Толамхошна мидалш а, дипломаш а делира.
БАЙБАТЫРОВА Милана
№12, еара, чиллин (февраль) беттан 4-гIа де, 2016 шо