Экстремизмана а, терроризмана а дуьхьал профилактика яран декъехь дIахьош ю «Терроризм – бохийна кхолламаш» темина статьяш язъяран конкурс.
Конкурсехь дакъалаца таро ю республикин тайп-тайпанчу хаамийн гIирсашкарчу журналистийн а, блогерийн а.
Конкурсе дахкийтинчу белхийн мах хадорехь коьртачех ду:
— чулацам темица богIуш хилар;
— ойланехь кхоьллина турпалхой а ца буьйцуш, баккъал а болуш болчу нахах лаьцна (терроризм бахьанехь хан тоьхнарш я «ИГИЛ» тобана юкъабахнарш) дийцар;
— автора материалехь шен граждански жигаралла гайтар.
Шайн статьяш, (авторан фамили, цIе, ден цIе, вина шо, белхан меттиг, телефонан номер а язъяй), хIокху электронни адресца схьатаса:
pressa_777@mail.ru
Шаьш конкурсе материал дIатасаран хьокъехь хIокху номерца хаам бе: 8 (8712) 62 84 89.
Материалаш тIеоьцу 2016-чу шеран 27-чу январера 27-чу феврале кхаччалц.
Россин ФСБ-н Нохчийн Республикехула йолчу Дозанерчу урхаллин пресс-служба
№12, еара, чиллин (февраль) беттан 4-гIа де, 2016 шо