ХIара (февраль) чиллан бутт карабеачхьана Россин тIеман-космосан ницкъийн кеманаша 237-зза бомбанаш, ракеташ тоьхна «Иблисан пачхьалкхан» Шемахь йолчу гIеранашна.
***
ООН-н Генеральни Секретара Пан Ги Муна дIахьедина ма-хиллара, Женевехь дIадуьйладелла хилла Шемара хьал дийцаре даран хьокъехь долу дийцарш совцоро гойту оцу махкахь долу хьал тIех чолхе а, галморзахаллаш яккхий а хилар.
***
Шеман Iедалан эскарша «Иблисан пачхьалкхан» террористашна дуьхьал Алеппо провинцехь дIахьочу тIамехь баккхий кхиамаш баьхна тIаьхьарчу деношкахь.
***
ООН-н Кхерамазаллин Совето селхана шен кхеташонехь дийцаре дира Шемахь долу хьал. Цигахь билгалдаьккхира Женевехь дIадолийна дийцарш юкъахдаха мегарг цахилар.
***
Мисарарчу Синай ахгIайри тIехь теракт йина террористаша. Оцу бохамехь нуьцкъаллин структурашкара ши белхахо кхелхина, масех стагана чевнаш йина.
***
Желтойчохь дIахьош яккхий забостовкаш ю. Урамашка бевллачу бахархоша дIахьедо Iедало ян леринчу пенсионни реформашна шаьш дуьхьал хилар.
***
Мароккон паччахьа хIокху деношкахь схьайиллина дуьненахь уггаре а йоккха маьлхан электростанци.
***
Нигерехь сепаратисташа, герзашца хIорда кеманна тIе а летта, амалтана дIалаьцна кеманна тIехь хилла морякаш. Царна юкъахь бу Гуьржийчуьра а, Россера а морякаш.
***
Дуьненаюкъарчу валютан фондо цкъачунна сацийна Украинна рогIера кредит далар. Иза, коьртачу декъана, доьзна ду оцу пачхьалкхан экономикин министр А.Абромавичус отставке вахана хиларца.
***
Таджикистанан Конституционни Суьдо къобалбина мехкан куьйгалхочун дарж, иза дийна мел ву, Р.Рахмонехь дитаран хьокъехь болу сацам.
***
Россин Президент В.Путин цхьаьнакхийтира Иранан куьйгалхочун хьехамчица Iела Акбар Велаятца. Цара дийцаре дира шина пачхьалкхан юкъаметтигаш шоръяран а, чIагIъяран а хьокъехь долу гIуллакхаш.
№13, шот, чиллин (февраль) беттан 6-гIа де, 2016 шо