2016-чу шарахь ЕГЭ-на кечамбарх а, и дIаяхьарх а лаьцна журналистийн тоьллачу материалана республикин конкурс кхайкхайо Нохчийн Республикин дешаран а, Iилманан а министерствос.
Цуьнан Iалашо ю шуьйрачу хаамийн гIирсашкахь ЕГЭ-на кечамбарх а, и дIаяхьарх а ма-дарра дийцаре журналистийн хьашт кхоллар.
Конкурсехь дакъалаца йиш ю регионехь болх беш болчу журналистийн а, зорбанан а, электронни а шуьйрачу хаамийн гIирсийн кхоллараллин коллективийн а.
Конкурсе дIаоьцу 2016-чу шеран 1-чу январера 20-чу марте кхаччалц йолчу хенахь хаамийн гIирсашкахь хилла материалаш.
Конкурсан номинацеш:
– Интернет-изданехь тоьлла материал;
– Зорбанан изданехь тоьлла материал;
– Телевиденехь тоьлла сюжет.
Конкурсан толамхой билгалбохур бу дипломашца а, мехалчу совгIаташца а.
Интернетехь конкурсан официальни агIо: www.mon95.ru
№14, шинара, чиллин (февраль) беттан 9-гIа де, 2016 шо