Оцу ахчанан барам цхьана шарахь лаьттар бу.
Таханлерчу дийнахь хьаштахойн «тускар» чу уггаре а оьшуш долу сурсаташ бен ца доьлху. Ткъа церан мехаш хIора дийнахь а хийцалуш лаьтта.
Цкъа базара вахча кега-мерса хIуманах дIадолу ши-кхо эзар сом, жижигах, деман галех долуш дерг ца дийцича а. Ткъа базарахь тайп-тайпана долчу беркатах кхета дукхах болу бахархойн аьтто ца хуьлу, хIунда аьлча бохча деса лаьтта.
Хьаштахойн тускар чу уггаре а хьалха кхачанан сурсаташ доьлху (50 процент). ШолгIа – тIе-кога юху хIуманаш, молханаш. КхозлагIа тускар чу коммунальни, транспортан харжаш йоьлху.
– Республикерчу дукхах болчу бахархоша сурсаташ оптови рынкехь оьцу, ахчанан кхоам бархьама. Бакъду, тIаьхьарчу хенахь оптови складаш а ю еса, – дуьйцу Умарова Тамусас.
Валютийн рынкехь хIора дийнахь хийцалуш долу хьелаш бахьанехь, сурсатийн мехаш а хийцало. (Масала, тIон жимачу ведарх дукха хан йоццуш 100 сом бен ца доьхура, ткъа тахана 200 соьме кхоччуш бу цуьнан мах).
Таханлерчу дийнахь, махлелоран дакъа хийцамашка ладоьгIуш Iаш ю. Мехаш юха а тIе маца тухур ду цхьанна ца хаьа. Ткъа хIиттинчу хьелашкахь вайна, хьаштахошна дуьсуш дерг ахчанан кхоам бар ду.
Хь.ЭЛЬБЕРТОВА
№17, шинара, чиллин (февраль) беттан 16-гIа де, 2016 шо