ЮьхьIаьржо
ЦIе кхобуш, несо «Къонах» аьлла цIе тиллина хилла БаIисна. Цкъа гIала яхана нус. Боккхачу урамехула шена хьалха-хьалха воьдуш волу цхьа стаг шен марвешех тарвелла несана.
– Къонах, ва Къонах, – бохуш цунна тIаьхьа хьаьдда хIара. Шена и герга кхаьчча, «къонах» юхахьаьжна.
– Валалай, хьо-м вац Къонах,
– Вай, хьуна стенах хии со къонах воций?
– Юьхьа дуьхьал ма хьаьжжи хии-кх, – аьлла юьхьIаьржа хIоьттинчу несо.
Дохко ваьлча…
ОьгIаз ваханчохь зуда а йитина, юха, ша диначунна чIогIа дохко ваьлла хьийзаш хилла БаIис.
ДоттагIчо хьехар а дина, моллина тIевахана иза, зуда шена юха магаяйта. Кхуьнгахь долчу хьолах кхеттачу моллас хаьттина:
– Зуда юьтучу хенахь ирахь вара хьо я хиъна вара?
Цо иза хIунда хоьтту а, зуда шена юха магаяйта ша жоп муха дала деза а ца хуучу БаIиса аьлла:
– Я ирахь а вацара, я хиъна а вацара.
ДIаяздинарг – С.ХАСАНОВ
№22, шот, чиллин (февраль) беттан 27-гIа де, 2016 шо