Цкъа а цадинарг
– Стаг, ма кIордийна-кх суна хIара дерриге а. ХIора дийнахь а дийриг цхьаъ ду. Цхьа а керла хIума дац. Цкъа а ца дина хIума дан лаьар-кха суна, – аьлла Заббарис.
– Лаахь, эцца беша ялий, асар де ахь! – тIечевхина БаIис.
Самукъа дер дуй-те?
– Ва, стаг, вайн и бероза котам гIийла ма хета суна, цунна урс хьаькхча хIун дара те?
– Урс хьаькхча цуьнан самукъадер ду аьлла хетий хьуна? – аьлла БаIиса.
Азлур яцара-те?
КIиран дийнахь, марз а велла, базара вахана БаIис. Лела-а-ш оза етт бохка веанчу цхьана стагана тIенисвелла хIара. Леррина атте а хьаьжна:
– Накъост, хIара етт ма оза бу хьан. Делан дуьхьа дийца, кхунна хIун яайо ахь?
– И хIун ю ахь хоьттург? Хьан хIун бала бу ас цунна хIуъа яийча а?
– Кхин хIуманна а дера ца хоттура ас-м. Цунна ахь яош ерг ас сайн чохь йолчуьнга яийтича иза азлур яцар-те аьлла дагадеана хоьттура ас-м, – дерзийна БаIиса.
ДIаяздинарг – С.ХАСАНОВ
№25, шот, бекарг (март) беттан 5-гIа де, 2016 шо