Шемахь машар баран а, герзаш кхийсар сацоран а хьокъехь болчу бартана куьйгаш яздина оцу махкарчу 44 юьртарчу а, гIаларчу а бахархоша.
***
Хонкаран махкара Шема герзаш деттар сацош дац. Коьртачу декъана курдаш бехаш болчу ярташна детташ ду уьш.
***
ТIаьхьарчу кхаа кIирнах «Иблисан пачхьалкхан» гIеранашкара схьадаьккхина 3 эзар квадратни километр хиллал латта, хIаллаквина 600 сов террорист.
***
Иракан Iедалан эскарша хIаллаквина 27 террорист. «Иблисан пачхьалкхана» юкъахь хилла и зуламхой бехке беш бара химин герзах пайдаэцарна.
***
Хонкарарчу Анкара шахьарахь эккхийтар дар бахьанехь 27 стаг велла, 70 гергга стагана чевнаш хилла.
***
Евросоюзан а, Кубин а куьйгалхоша куьйгаш яздина вовшашца йолу юкъаметтигаш тояран хьокъехь болчу бартана.
***
Венесуэла пачхьалкхехь дIахьош яккхий митингаш ю. Урамашка цхьана хенна арабевлла Президентан Н.Модурин гIолоцуш берш а, цунна дуьхьал берш а.
***
США-с а, Францис а Японина гIо дийр ду «Факусимо-1» атомни электростанцехь бохам хилча реакторшна чохь йисина ягориг схьайоккхуш.
***
Италерчу Альпашкахь лаьмнашкара чухьаьддачу хьаьтта кIел а вахана, 6 турист кхелхина.
***
Украинерчу Одессехь бехаш болчу бахархошна юкъарчу 35 эзар стага куьйгаш яздина губернатор Н.Саакашвили отставке вахийтар доьхуш яздинчу кехата тIе.
***
Россигара уггаре а алсам мехкадаьтта оьцуш йолу пачхьалкх хилла дIахIоьттина Чина. Хьалха вайн махкара уггаре а алсам мехкадаьтта оьцуш ерг Германи яра.
***
Россин Президента В.Путина Ярославлехь дIаяьхьначу кхеташонехь дийцаре дира вайн мехкан некъашкахь бохамаш хиларца доьзна долу хьал.
***
Вайн махкарчу десантникаша дакъалоцур ду Таджикистанехь дIахьочу тIеман Iаморашкахь.
№29, шинара, бекарг (март) беттан 15-гIа де, 2016 шо