Дукха хан йоццуш, Нохчийн пачхьалкхан хьехархойн университетехь студенташца цхьаьнакхетар хилира Россин дипломатийн ассоциацин Председателан заместителан, филологин Iилманийн кандидатан Мальсагов Баширан. Иза лерина дара кегийрхой кхетош-кхиорна, Къилбаседа Кавказехь кегийрхошна юкъахь терроризман идеологи яржорна дуьхьало ярна, иштта Герггарчу Малхбалерчу къаьмнийн культура а, истори а йовзийтарна.
Мальсагов Башира кегийрхошна йийшира «ИГИЛ: идеологи, структура, финансировани яран хьоста» аьллачу темина лекци.
Шен къамелехь цо дийцира террористически организацеш кхоллаяларх а, бусалба нах шина декъе (сунниташка а, шииташка а) бекъабаларан историх а лаьцна. Иштта дипломата билгалдаьккхира, ДАИШ огранизаци Иракехь кхоллаяла йолаелла хиларх. И организаци хьалха хиллачу кегийчу «джихадистски» тобанех кхоллаелла хилар а хаийтира цо.
Студенташна дуккха а керланиг а, пайдехь дерг а девзира. Кегийрхоша дипломате делла цхьа а хаттар жоп доцуш ца дисира.
З.ЛЕЧИЕВА
Суьрта тIехь: студенташца цхьаьнакхетар
№32, шинара, бекарг (март) беттан 22-гIа де, 2016 шо