Стеган сий хьалаойъург а, цуьнан цӀе йожориг а иза ша ву.
– Шегара куралла дӀаяьккхинарг Далла а, нахана а везар ву.
– Сутараллина тӀехь толам баьккхинарг ирсе хир ву.
– Шегара оьгӀазалла сацийнарг самукъане хир ву.
– Бакъдерг, цкъа мацца даьлла а, гучудер ду, ткъа харцо доь доцуш дӀаер ю.
– Стаг хазвийриг – хьекъал ду, хьекъал хаздийриг – собар, собар хаздийриг – доьналла.
– Токхечу дахаран хьостанаш – машар а, къинхьегам а бу.
– Бахьана а доцуш, стага дов даккхар – иза сонта хиларан билгало ю.
– Дикачу гӀуллакхаша вай ирсе до, амма нийсо йоцчохь ирс хуьлийла дац. Цундела верриге а нийсо ларъеш хила веза.
ДIаяздинарг – М.АРСАНУКАЕВ
№34, шот, бекарг (март) беттан 26-гIа де, 2016 шо