Къилбаседа Корейс юха а ракета кхоьссина Японски хIорд болчу агIор. Цуьнца доьзна США-н а, Къилба Корейн а, Японин а куьйгалхоша тахана дийцаре дийр ду Къилбаседа Корейн хьокъехь долу гIуллакхаш.
***
Еврокомиссин куьйгалхоша дийцарехь, тIаьхьарчу хенахь дуккха а лахделла Хонкаран махкахула Евросоюзана юкъайогIучу пачхьалкхашка мигранташ дIаэхар.
***
Шемахь, дуьззина схьаэцча, ларъеш ю герзаш деттар сацоран раж, алсамбовлуш бу машар а, маслаIат а дар къобалдеш болу бахархой.
***
«Иблисан пачхьалкхан» гIеранех паргIатъяьхначу гIаланашкарчу а, ярташкарчу а шемахошна гуманитарни гIо дар тIеттIа алсамдолуш ду. Хомс а, Хама а гIаланашна 6 тонна сов гIо дахьийтина Россис.
***
ОвгIанехь доьхна США-н тIеман С–160 кема. Цу тIехь хилла пилоташ белла. Кема дохаран бахьана хууш дац.
***
Пакистанехь, 50 сов стаг а вуьйш, теракт йинчул тIаьхьа бакъонаш ларъяран органаша леррина операци дIахьош схьалаьцна 5 эзар сов стаг.
***
Россина дуьхьал йина санкцеш дIаяхаран хьокъехь йолчу резолюцин проект къобалъярехьа кхаьжнаш тосур ду Францехь герггарчу хенахь.
***
Мисарара пассажирийн кема Кипре дадийна волу мисархо Сейф ад-Дин Мустафа Кипран Iедалан каравахана, цо амалтана дIалаьцна хилла пассажираш, зен-зулам ца хуьлуш, шайн цIа бирзина.
***
Россин Президент В.Путин Нижни-Новгородехь йолчу «Алмаз-Антей» концернан заводехь а, аэропортан дуьненаюкъарчу керлачу терминалехь а хилира.
***
Россин Премьер-министра Д.Медведевс дIаяьхьначу селекторийн кхеташонехь дийцаре дира махкахь бIаьстенан-аренийн белхаш дIабахьарца доьзна долу гIуллакхаш.
***
Бакухь Россин а, Иранан а, Азербайджанан а кхечу мехкашца долчу гIуллакхийн министерствийн куьйгалхоша дийцаре дира вовшашца йолу доттагIаллин юкъаметтигаш чIагIъяран хьокъехь долу гIуллакхаш.