Ахь буьйцурш хьаьмцаш бу
Шен накъосташца цхьаьна кемсаш юуш хилла БаIис. Уьш тIех дукха езарна, ца Iебаш, дийнна хорха схьа а оьций, чухьарчош хилла.
– Ахь хIун до, хIей? Кемсаш иштта юуш ма ца хуьлу. Сих ца луш, цхьацца буьртиг хорхий тIера схьа а боккхуш, яал ахь, – хьехар дина Къуддуза.
– ДIавалахь, со Iамо а ца гIерташ. Ахь буьйцурш хьаьмцаш бу, – аьлла рогIера хорха къайлаяьккхина вайн хьешо.
Со-м вац царах тера
– ЛадогIахь, БаIис, хьан доттагIчо Iаббаза суна аьллачуьнга.
– ХIун аьлла цо?
– Со Iовдалчу нахах тера ву аьлла-кх, со-м вац царах тера.
– Дера вац ванне а-м, Iовдал нах бу-кх хьох тера, – сатедина БаIиса.
ДIаяздинарг – С.ХАСАНОВ
№37, шот, оханан (апрель) беттан 2-гIа де, 2016 шо