ГIирмехь а, Севастополехь а 16-чу мартехь пачхьалкхан статусан хьокъехь референдум дIаяьхьира. Меттигерчу Iедало бечу хаамашца 95 процент бахархоша кхаж тесна Россина юкъахь хиларехьа.
***
Украинин Президента А.Турчина дIахьедина оборонан министерствона 700 миллион сов доллар ахча билгалдан лерина хиларан хьокъехь.
***
ГIирмехь дIаяьхьначу референдуман хьокъехь телефонехула вовшашца къамел хилира США-н Президентан Б.Обаман а, Россин Президентан В.Путинан а. Шина президентана референдумах лаьцна хетарг цхьаьна ца догIу.
***
Евросоюзан 28 пачхьалкхан векалш селхана цхьаьнакхийтира Брюсселехь. Цара дийцаре дира Россина дуьхьал санкцеш яран хьокъехь долу гIуллакх.
***
Венесуэлехь Iедална резабоцчу бахархойн митингаш совцош яц. ТIаьхьарчу деношкахь полицица хиллачу тасадаларшкахь масех стаг лазийна.
***
Францин пачхьенехь машенаш тIех дукха хиларна къахь лаьтташ хилар бахьанехь долахь йолчу машенашкахь дIасалеларна доза тоьхна. Дедда юкъа бен шайн машенаш араяха бакъо хир яц церан.
***
Малайзехь дIахьош ду Боинг-777 пассажирийн кема лахар. Цу тIехь шайна гIодар доьху Iедало спутникан зIе йолчу пачхьалкхашка.
***
Сербехь кIирандийнахь дIабаьхьира парламентан рогIера боцу харжамаш. Цигахь толам баьккхина А.Бучич коьртехь волчу Сербин прогрессивни партис.
***
КНДР-хь ракеташ кхоссар бахьанехь Къилба Корейс шен эскарш тIамна кечдина. Омра деллачу минотехь гIовтта кечделла Iаш ду уьш.
***
16-чу мартехь дIадерзийна Паралимпиадин Iаьнан ловзарш. Цигахь 80 мидал яьккхина Россин паралимпиадахоша. Царах 30 мидал дашо ю.
***
Дагестанехь дIаяьхьира бусалбанийн дуьненаюкъара конференци. Цуьнан балхахь дакъалецира Россерчу а, кхечу пачхьалкхашкарчу а 1еламнаха.