Хууш ма-хиллара, 2016-гIа шо «Россин МЧС-н цIеяларх ларбаран белхахойн» шо аьлла дIакхайкхийна ду. И бахьана долуш Нохчийн Республикин МЧС-н белхахоша регионан тайп-тайпанчу районашкахь дIахьош ду цIеяларх лардала Iаморна лерина цхьаьнакхетарш.
Иштта, хIокху деношкахь Хьалха-Мартан районерчу Гихта юьртарчу бахархошца Бенарчу Ильясан цIарахчу маьждигехь цхьаьнакхетар хилира оццу районерчу цIеяларх ларбаран №17 йолчу декъан белхахойн. Шайн къамелашкахь цара билгалдаьккхира дукхах йолу цIерш газан гIирсаш нийса лело цахаар а, хIусамашна ремонт ечу хенахь ток нийса цатасар а бахьана долуш йовлуш хилар.
Шен къамелехь Хьалха-Мартан районерчу цIеяларх ларбаран №17 йолчу декъан инспектора Баштыков Рустама хаийтира, цхьаьнакхетаран хIора а дакъалацархочунна цIеяларх лардала Iаморан брошюраш а, экстренни службин номерш а (101, 112) дIасадекъна хилар.
З.ЛЕЧИЕВА
Суьрта тIехь: цхьаьнакхетаран дакъалацархой
№40, шот, оханан (апрель) беттан 9-гIа де, 2016 шо