Пальмира (Шема) шахьарара 1,5 эзар мина а, бомба а, эккхаш болу кхин гIирсаш а дIабаьхна Россин сапераша. И болх хIинца а дIахьош бу. Уьш дIаяьхначул тIаьхьа дIадолор ду шахьар меттахIоттор.
***
Шемахь машар баран хьокъехь болу барт къобал а бина, герзаш охьадехкина законехь йоцучу 47 тобано.
***
«Иблисан пачхьалкх» а, «Джебхат–ан-Нусри» террористически организацеша хIинца а дIахьош ду герзаш деттар, питанаш тийсар, къаьсттина Алеппо а, Дамаск а гIаланашкахь.
***
Индин къилбехь йовхонан бурко ю лаьтташ. Цигахь йовхонна 110 стаг кхелхина, бIеннаш адамаш больницехь дарбанаш лелош ду, царах дукхах болчарна коьртах малх боьлла.
***
Испанерчу полицис тIаьхьарчу деношкахь наркодиллершкара цхьа тонна сов наркотикаш схьаяьхна.
***
Желтойчоьнан Iедало мигранташна тIедожийна итт де далале Гирей портера дIадовлар.
***
Нидерландехь дIаяьхьначу дерриге а халкъан референдумехь 61,1 процент харжамхоша дIахаийтина шаьш Украино Евросоюзаца ассоциаци ярна дуьхьал хилар.
***
Казахстанерчу цхьана эпсаро шегара майралла гайтина, иккхинчу гранатех салти ларвеш шен дегI бохамна дуьхьал тасарца.
***
Россин Президента В.Путина дакъалецира регионийн а, меттигерчу а СМИ-н кхоалгIачу медиафорумехь.
***
В.Путина чIагIбина Россин Госсоветан президиуман керла декъашхой.
***
Россин Пачхьалкхан Думехь герггарчу хенахь йийцаре йийр ю терроризман хьокъехь долчу керлачу законийн проекташ. Цаьрца нийса а догIуш 15 шарера 20 шаре кхаччалц набахтехь яккха хан тухур ю террористашна гIо диначарна.
***
Иранан а, Россин а, Азербайджанан а МИД-йн куьйгалхоша дийцаре дира цхьаьнагIуллакхаш дар шордаран хьокъехь долу гIуллакхаш.
№40, шот, оханан (апрель) беттан 9-гIа де, 2016 шо