Вовшашца де аш къамел
Буьйсанна хан яьллачу хенахь талорхоша БаIисан неI тоьхна:
– БаIис, чохь вуй хьо? – аьлла.
– Ву, сох хIун дора аш? – хаьттина БаIиса.
– Хьоьца дан къамел ду тхан, сихха неI схьаелла.
– Ван мукъане а маса ву шу?
– Виъ ву-кх.
– ДIадовла, шуьца ларор вац, вовшашца де аш къамел, – хадийна БаIиса.
Елалохьа
Цхьана хийрачу шахьарахь йоккхачу туькана вахча, тIап-аьлла зуда яйна висина БаIис. Мел лехарх гIуллакх ца хилла, йохкархочуьнга дехна цо:
– Елалохьа, хьайн десара?
– Со хIунда, елалуш ю хьуна?
– Зуда яйнера сан кху чохь. Хьо цкъа суна елаелча, хIокху дуьненахь елахь, оцу минотана схьакхочур яра иза, – кхетийна БаIиса.
ДIаяздинарг – С.ХАСАНОВ
№43, шот, оханан (апрель) беттан 16-гIа де, 2016 шо