Сийлахь-боккхачу Даймехкан тIамехь Толам баьккхина 71 шо кхачаран сийнна Москвахь 9-чу майхь дIаяьхьначу парадехь дакъалецира 10 эзар сов бIаьхочо, 135 тIеман технико, 71 кемано а.
***
Россин 85 субъектерчу 150 сов гIалахь, ткъа иштта дозанал арахьарчу 40 сов пачхьалкхехь дIаяьхьира «Лийрйоцу полк» акци. Цигахь дакъалецира миллионаша адамаша.
***
Россин Президента В.Путина а, Казахстанан Президента Н.Назарбаевс а зезагийн кочарш дехкира Москвахь Вевзаш воцчу Салтичун Кошана хьалха.
***
Сийлахь-боккхачу Даймехкан тIамехь Толам баьккхина 71 шо кхачарна лерина тIеман парад дIаяьхьира Шемарчу Хмеймим тIеман базехь. Цигахь дакъалецира Шемин а, Россин а тIемалоша.
***
Хонкаран артиллерис хIокху деношкахь тохар дина Шемарчу «Иблисан пачхьалкхан» гIеранашна. И бахьанехь аьтто баьлла 50 сов террорист хIаллакван.
***
Шемахь вовшашца тIом беш йолчу агIонашна юкъахь дийцарш Женевехь мелла а сиха юха дIадоло лууш ю Росси а, США а.
***
Иракехь масех де хьалха теракт йина. Оцу бохамехь кхелхина 12 маьрша стаг, 40 сов стагана чевнаш йина.
***
Желтойчоьнан Парламентан депутаташа кхаж тесна пенсионни реформа яран а, налогаш алсамъяхаран а хьокъехь долу законаш тIеэцарехьа.
***
Иранан полицис герзаш тоьхна вийна ОвгIанера 7 мигрант, 12 схьалаьцна. Цхьа а бакъо а йоцуш дозанал сехьа бевлла хилла уьш.
***
Канадерчу хьаннашкахь яккхий цIерш евлла. Кхерамах хьалхавоккхуш ханна кхечанхьа дIакхалхийна 100 эзар сов стаг. ЦIераша дIалаьцна 160 эзар гектар хьун.
***
Россин Президента В.Путина 80 шо кхачарца декъалбира Президентан полкан бIаьхой, тоьллачарна совгIаташ дира.
***
Чинин а, Россин а юьртабахаман декъехь цхьаьнагIуллакхаш дар шорлуш ду. Цу хьокъехь хаам бира вайн мехкан юьртан бахаман министра А.Ткачевс.
№52, кхаара, хIутосург (май) беттан 11-гIа де, 2016 шо