Май беттан 16-чу дийнахь Нохчийн Республикин Правительствон Туризмехула йолчу комитето дIаяхьа лерина «Дагера даге» цIе йолу кхозлагIа марафон. Цигахь дакъалаца лууш берш дIаязбийр бу 12–15-чуй майхь Соьлжа-ГIалахь долчу А-Хь.Кадыровн цIарахчу «Нохчийчоьнан дог» маьждигана хьалхарчу майданахь.
Марафонан дакъалацархой цхьаьнакхетар бу май беттан 16-чу дийнахь Кадыров Ахьмад-Хьаьжин цIарахчу «Нохчийчоьнан дог» маьждигана хьалхарчу майданахь Iуьйранна 7 сахьт даьлча.
Марафонан Iалашонаш а, декхарш а
– Нохчийн Республикехь туризм кхиор;
– вадаран а, физически культурин а, спортан а пропаганда яр;
– могашчу дахаран кепана пропаганда яр.
Марафон дIаяхьаран меттиг а, хан а
Марафон дIайолалур ю 16-чу майхь Iуьйранна 9 сахьт даьлча Соьлжа-ГIалахь. ДIайоьрзур ю Устрада-гIалахь (некъан йохалла 16,5 км: Соьлжа-ГIалара А-Хь.Кадыровн пр-т, Ханкальски ур., Соьлжа-ГIала – Устрада-гIала автомобилийн некъ, Устрада-гIалара А-Хь.Кадыровн ур.).
Марафонан дакъалацархой
Марафонехь, хенаца къестамаш а боцуш, дакъалаца йиш ю Россин Федерацин а, кхийолчу пачхьалкхийн а бахархойн.
Марафонан совгIаташ
I–V меттигаш яьхна болчу дакъалацархошна мидалш а, дипломаш а, ахчанан совгIаташ а лур ду:
1-ра меттиг – «Toyota Corolla» машен; 2-гIа меттиг – 200 эзар сом; 3-гIа меттиг – 100 эзар сом; 4-гIа меттиг – 50 эзар сом; 5-гIа меттиг – 50 эзар сом.
Марафонан хIора а дакъалацархочуьнгахь шен кехаташ а, Туризмехула йолчу комитетан векалша елла йолу «дакъалацархочун номер» а хила еза.
Марафон дIаяхьаран а, цуьнан юкъара куьйгалла латторан а гIуллакхаш кхочушдеш ю Нохчийн Республикин Правительствон Туризмехула йолу комитет. Къепе а, низам а, дакъалацархойн кхерамазалла а Iалашъеш хир ю Нохчийн Республикин Чоьхьарчу гIуллакхийн министерство.
№53, еара, хIутосург (май) беттан 12-гIа де, 2016 шо