Хонкарарчу цхьана полицин декъехь эккхийтар дина. Цигахь 3 стаг кхелхина, 42 стагана чевнаш хилла. Оцу зуламах долу жоьпалла тIе ца лаьцна цхьана а террористически организацис.
***
«Иблисан пачхьалкхан» гIеранашкара Шемин Iедалан эскарша схьаяьккхина 500 сов юрт а, гIала а. ХIокху деношкахь тIемаш беш бу Алеппо шахьар террористашкара схьаяккхарехьа.
***
США-н Президента Б.Обамас кхеташо дIаяьхьира къоман кхерамазаллин Советан декъашхошца. Цигахь дийцаре дира «Иблисан пачхьалкхана» дуьхьал къийсам дIабахьарца доьзна гIуллакхаш.
***
Къилбаседа Корейн Къинхьегаман партин съездехь юха а цуьнан Председатель хаьржина Ким Чен Ын. (Оцу махкахь уггаре а лакхара дарж ду иза). Цуьнца доьзна даздарш дIадаьхьира цигахь.
***
Германерчу Графинг шахьарахь цIерпошта тIера охьабиссинчу пассажирашна урс диттина зуламхочо. И бахьанехь 1 стаг кхелхина, 3-на чевнаш йина.
***
Парижехь юха а митингаш ю. Урамашка бевллачара дIахьедо шаьш къинхьегамна реформаш яран хьокъехь долчу законна дуьхьал хилар.
***
Россин Президента В.Путина Сочехь кхеташо дIаяьхьира Оборонан министерствон а, оборонно-промышленни комплексан а куьйгалхошца.
***
В.Путинан телефонехула къамел хилира Мисаран Президентаца. Цара дийцаре дира туризман хьокъехь долу гIуллакхаш.
***
Россин Федеральни Гуламан Федерацин Советан делегаци кху деношкахь Казахстанехь ю. Делегацина коьртехь ю цуьнан председатель В.Матвиенко.
***
Швецин пачхьенехь – Стокгольмехь дIахьош ю Евровиденин конкурс. Цигахь дакъалоцуш ву Россера дика вевзаш волу артист С.Лазарев.
№53, еара, хIутосург (май) беттан 12-гIа де, 2016 шо